【2023聖誕禮物】$300交換禮物推薦：Donna Chang香包套裝

疫情後第一個聖誕終於嚟到喇！大家係咪要跑好多場聖誕Party？隨之而來嘅一個幸福的煩惱，就係要為唔同圈子嘅朋友揀聖誕禮物啦。如果Party上要抽獎嘅話揀禮物嘅難度就更高喇，畢竟要揀一份全場都啱用嘅禮物真係唔容易㗎！

不過唔使擔心，置好價12月就喺泰國帶咗高級香氛品牌Donna Chang香朵娜嘅香包套裝返嚟，送禮自用都非常適合，我哋就一齊嚟睇吓哩個牌子有咩咁特別啦！

泰國精緻香氛品牌：Donna Chang 香朵娜香包套裝

有冇男朋友仲未諗到送咩比女朋友呢？今年送Donna Chang 香朵娜香包套裝就實冇死啦！好多泰國嘅高級酒店都用緊 Donna Chang 香朵娜嘅芳香產品，除咗因為佢哋精心調配嘅香味典雅幽香之外，仲因為佢哋嘅產品連顏值都非常高！如果你女朋友（或者其他送禮嘅對象）平時鍾意精緻又實用嘅禮物就啱晒啦，而且唔止係女仔㗎，男仔收到都一樣咁實用，掛喺屋企即刻可以喺細節突顯品味！

Donna Chang 香朵娜充分善用泰國嘅自然資源，主要嘅原料都係植物成分，為香包加入真實而奢華嘅花香味，再加入水果、香料等其他芳香材料，調配成獨特又高雅嘅香味！香包更加選用浸滿精油同特調香氛嘅火山岩，持續散發香味2至3個月以上；今次嘅香包套裝仲附送有一支3ml嘅噴頭裝精油，香味變淡之後打開香包噴幾下就可以補充香味，延長壽命。

香包設計細節講究又美觀

香包套裝由外盒到香包嘅帆布袋都用咗青花瓷設計，藍白配色感覺純淨又舒服，掛喺屋企即刻令家居環境變到好似酒店咁優雅！香包頂部自帶China Blue絲帶，方便掛係衣櫃、床頭、辦公桌枱頭等等嘅位置，隨時幫你減減壓、放鬆心神；香包下面仲有流蘇造型，造型典雅，真係好似裝飾咁呀！

5款Donna Chang 香朵娜香包點揀好？聖誕最啱呢隻味！

作為聖誕禮物，小編最推薦嘅一定係杏仁雲尼拿味香包，呢兩款香料擺埋一齊感覺好溫暖，比人嘅感覺就好似啱啱焗好嘅甜品咁，聞到就會諗起聖誕蛋糕同曲奇！基本上只要鍾意聖誕同冬天，就唔會抗拒呢款香味啦～

如果收禮物嘅人係比較爽直、運動型，又或者係男仔嘅話，青檸香橙味香包就可能更適合啦。呢款香味唔會太過甜膩，清新柑橘類果香非常中性，唔會蝦人用，送比任何年紀層都Fit！

送比平時貪靚又鍾意打扮嘅女仔嘅話，小編就會推薦野玫瑰香包啦！Donna Chang 用嘅係真實又高貴嘅真玫瑰味，而唔係用荔枝味假扮成廉價嘅玫瑰味（小編都中過唔少伏），好啱用嚟突顯女性魅力，完全唔怕俗。

可愛甜美系嘅女仔可以選擇柑橘牡丹香包，牡丹清幽花香上面加上清爽嘅柑橘味，感覺更加活潑，唔怕過分成熟或者太有距離感，擺喺屋企嘅話可以輕鬆營造到自在又舒適嘅氛圍！

至於文青系嘅氣質男女就可以用梔子花香包，純淨優雅嘅白花幽香低調又有品味，屋企散發淡雅幽香更加可以令人心境平靜，所有唔好嘅氣場就好似屋企嘅噏味咁，通通驅走！

Donna Chang 香朵娜香包限時優惠

Donna Chang 香朵娜香包原價$284／個，依家折後只需$237，買兩套再享優惠價$399／2，香味任你配搭！一次買晒比兩個Party抽獎又得，買一個送禮一個自用都好抵㗎！

$100以下交換禮物有咩選擇？

同朋友交換禮物都唔容易啦，更何況係唔夠熟嘅人？一年一度嘅公司聖誕交換禮物都真係令唔少人好頭痕，好彩嘅係呢種抽獎／交換禮物嘅Budget一般唔會好大，通常$100以下就搞得掂！置好價都為大家揀好咗$100以下又得體嘅聖誕禮物啦～

韓國Bouquet Garni香包

嚟自韓國嘅Bouquet Garni香包有效除濕防臭，仲有特別嘅技術，令香味更加持久，細細包適合擺喺衣櫃、鞋櫃、櫃桶，甚至擺喺手袋都無問題！香港咁潮濕，任何人收到都一樣咁啱用，包裝設計美觀又可愛，平平地都唔會失禮！

置好價有售6款韓國Bouquet Garni香包，包括黑櫻桃味、白麝香味、清爽皂香、爽身粉味、棉柔清香、依蘭依蘭香味，每款都可以驅除屋企嘅異味，令成個空間入面嘅物品都香噴噴！

同場加映：聖誕Party零食推介

冬天最啱食朱古力！今年Party買定幾包正榮朱古力脆餅同親朋戚友開心Share就最滿足啦！置好價特別為你帶嚟兩款冬日限定版嘅朱古力脆餅，每包都有兩款口味，一大班朋友口味唔同都照顧到。

正榮 雙重士多啤梨朱古力脆餅 冬日限定版

正榮 雙重士多啤梨朱古力脆餅 冬日限定版一包兩款口味，有士多啤梨味同士多啤梨牛奶味，內有三重口感，包括士多啤梨果乾、香脆餅乾同牛奶朱古力，日本冬天嘅士多啤梨最當造，香甜士多啤梨同朱古力嘅配搭真係無得輸！

正榮 黑白朱古力脆餅 冬日限定版

正榮 黑白朱古力脆餅 冬日限定版一包有雲尼拿白朱古力同牛奶朱古力味，朱古力外層、香脆餅乾同粟米片組成三重口感，Party一定食到停唔到口～

置好價已經為大家準備好過節啦，未諗好聖誕禮物嘅朋友仔都唔使擔心啦，今個聖誕節就送份更有心思有精緻嘅香包比親朋戚友表達心意啦～